哈哈廚房：Sous Vide慢煮醉雞（配環保版合味道杯麵）

話慢煮醉雞，其實係慢煮雞再浸酒既。

雪凍擺係雪櫃，隨時食都得。忙既時候搭杯麵食又得～

首先將雞扒用繩捆綁成圓形狀。我好求其。哈哈。綁得好肉酸。

跟住真空seal。用Sous Vide Supreme 65C/150F煮一個半鐘頭。

放涼。然後開口到咗啲水。加LKK醉雞汁。封口擺入雪櫃雪至少過夜。

要食先係雪櫃度拎番出嚟。

剪開條繩。

然後切塊。

再淋返袋入面既醉雞汁係面就搞掂！

環保版合味道杯麵～日本發售ONLY～呢隻係原味（蝦味）。

成日去日本都要買Cup Noodle返黎（C6要，佢唔食香港版。），杯麵超級阻住曬行李啲位。舊年去名古屋既時候見到呢個偉大發明。自此只係需要買Refill就可以啦。撕開招紙。

倒入去個環保杯入面。

同普通版無分別架！

加熱水就食得。入微波爐叮又得～

仲有雞雞同Chili Tomato!（海鮮味食曬！）Refill唔係度度都買到，要去日本大型超市先有。最容易既辦法就係上Amazon.co.jp訂，然後送去你係日本住既酒店。