哈哈食堂：福井三國－海の宝石箱 <開高丼>

難得啱晒季節去福井食越前蟹, 梗係要去埋食好出名嘅開高丼啦！

蔡San話：「...還有一個值得去的，是一家叫KOBASE的小旅館兼餐廳，專做「開高丼」。日本有一位旅行家兼食家，叫開高健，著作甚多，我最愛讀。他最喜歡跑到福井來吃螃蟹，為了變化，店主長谷裕司的父親為他做一餐蟹飯，剝了八隻雌蟹的膏和肉，混在一大碗飯中，我試過之後，也認為是一生中吃過最滿足的蟹飯。」

圖中呢碗係一人份量, 冇蔡San講嗰碗咁大碗, 但我都食唔晒！

真係好好味，但實在太太太漏喇～

呢碗用咗4隻すわい蟹拆肉拆膏而成，亦即係一大碗膽固醇！！哈哈～

蔡San嗰碗用8隻，如果一個人食晒真係要即刻啪返粒降膽固醇丸......

湯入面有一塊超級超級超級滑嘅魚，我唔知係咩魚，少少似九肚魚～

其實... 我唔係好識開高健... 但碗開高丼真係好好食～

講真呢間旅館都幾舊架, 所以我地冇喺呢度住。

如果想好似我地咁淨係嚟食開高丼記得一定要預約呀！