哈哈廚房：仿「摩廚」的中西fusion Sous Vide慢煮三文魚（附食譜）

其實之前試過用Sous Vide Supreme做慢煮三文魚的了，當時因為買了不是刺身Grade的三文魚，不敢用太低溫。用了60度20分鐘。出來效果很差勁。

看到哈日人人用Steam Oven 慢蒸三文魚出來效果這麼好，沒有理由我的Sous Vide會比她差的。

然後我上網Google了一下，發現了香港有間玩中西Fusion Sous Vide 的「摩廚」。等我又有樣學樣先～

三文魚咁樣用豉油上碟都係第一次食，但又出奇地夾。

做法如下：
1. 首先準備了三文魚刺身。（Nijiya減價呀～）大細都係睇你想食幾多。無所謂的。

2. 用少量的鹽同胡椒調味。我仲加左少少牛油。然後用真空封口。（加左少少牛油會令浸完水出黎既三文魚比較有光澤，望落去都靚仔D啦～）

3. 放入Sous Vide Supreme.. 45C 煮20分鐘。然後拿出黎。

4. 預先煮好白菜／任何菜放底。開袋後將三文魚鋪面（三文魚比較軟身，小心D，我都唔小心整斷左。）再放蒸魚豉油同蔥。然後用pan燒滾油再淋面。無蒸魚豉油可以用普通豉油加少少糖撈勻。

Close up #1：三文魚好滑好好味。魚生都要0趙，呢個滑到真係無牙都食到呀。

Close up #2：三文魚唔係生架～

後感：

1. 上網睇「摩廚」係用50-60C，我個人覺得可能會比較老。呢塊三文魚唔係好厚，呢個溫度比較適合。當然如果你塊三文魚厚的，就要高溫少少，所以我建議係45-50C。

2. 呢度菜真係唔建議大家用普通三文魚黎整。（睇返舊post你就明點解了～）

3. 另外由於舊三文魚唔係咁高溫煮，建議大家暖下上菜個隻碟，感覺會好好多架～

重溫：哈哈廚房：失敗了的Sous Vide 慢煮三文魚