哈哈買物：無印良品美國旗鑑店開幕

由細到大都好鍾意無印良品，鍾意佢夠簡單。New York開左好多年，Bay Area都開左兩間，終於等到佢開到黎LA。一開就旗鑑店，哈哈哈。等咁耐都值得。

是日開張，當然第一時間去朝聖啦！C6一句，Muji is over 20 years，finally is here。諗諗下，又係bor，細個讀書時候已經文具都係用無印。唔好講咁多，費事比你估到我幾老。

張檯要差唔多成千，short左咩！

Food Section好Q細，得咁少野有D失望。

不過Snacks反而無咩點Mark up。呢個243Yen都係$2.50 USD..下次真係唔洗係日本買返黎。Sorry，依然係無Uni Cream既。

門口派的Tote。原來仲送埋2014 Schedule同筆，呢兩樣都差唔多成1000 yen。連埋個袋添，no purchase required。旗鑑店開幕果然大手筆！好采早黎，我見好快就派晒！

今日買既野。

好多人堆住買50% off既Clothing，我地無同人逼啦。除食品外，大部份既野都至少50% Markup咁上下。其他野都係等過左年無咁多人先再去過啦！

D野食同木製品去得好快。走個時侯好多已經比人掃晒。好誇張！

另外官方Muji USA Facebook post左今日既相，竟然有我同C6。我比C6睇，佢好開心。傻傻地。