哈哈廚房：Cuisinart Steam Oven 試爐－蒸全雞(7) 菜膽上湯黃毛雞

話咗次次唔同就唔同啦！

由細到大都好鐘意食菜膽上湯雞，但喺 US 嗰D全部都騎騎呢呢...
有D仲唔係用芥菜膽添！

咁我有鋪蒸雞癮，又見 D 小芥菜幾靚... 一於嚟個「菜膽上湯黃毛雞」！

整得菜膽上湯雞梗要落金華火腿啦，我將一大舊金華火腿塞入雞腔裡面蒸，雞面搽海鹽。

又係 190F 45 min...
見到隻雞蒸完脹卜卜黃 garm garm 真係有重莫名嘅興奮！

蒸完雞嘅雞汁再加少少上湯用嚟灼芥菜膽，
然後將舊金華火腿拎返出嚟，切成金華火腿蓉，
炒一炒香加埋D雞汁上湯，
打個馬碲粉獻淋上雞面即成！

鐘意嘅將金華火腿切片同雞件間住間住一齊食亦得～

哈哈廚房：Cuisinart Steam Oven 試爐－蒸全雞(1) 花鵰蒸全雞

哈哈廚房：Cuisinart Steam Oven 試爐－蒸全雞(2) 豉油雞

哈哈廚房：Cuisinart Steam Oven 試爐－蒸全雞(3) 白切雞

哈哈廚房：Cuisinart Steam Oven 試爐－蒸全雞(4) 喜馬拉雅山玫瑰鹽蒸黃油雞
哈哈廚房：Cuisinart Steam Oven 試爐－蒸全雞(5) 黑松露鹽蒸黃油雞

哈哈廚房：Cuisinart Steam Oven 試爐－蒸全雞(6) 四季鹽焗雞粉蒸黃毛雞