今次都係蒸全雞，不過斬件蒸。
超市個阿叔好好人，幫我用刀斬，
之前試過有墨西哥人(其實佢都好好人)唔知我噏乜，
竟然用電刀幫我鋸到好似 KFC 咁大大舊... 都唔知好嬲定好笑！
豉油胡椒粉麻油生粉好簡單咁醃好，
面放已清潔好嘅蟲草花同紅棗。
由於我今次趕時間開飯，再加上雞已斬，
所以用咗比平時高溫少少， 200F 蒸咗 25 min。
熟晒！ 其實我覺得 20 min 都可能可以......
我特登用個大碟等D雞件可以平鋪唔駛疊起，確保每一舊都熟。
呢個好味，雞汁仲可以肥爆撈飯添！
我未有時間去求證，但呢D乾貨唔洗過我會唔安落...
所以點都係咁易用熱水沖一沖啦～
No comments:
Post a Comment