哈哈廚房：DIY 機打墨魚丸 ( 同場加影墨魚肉餅 )

自從香港昌記摺埋咗之後，美國已經搵唔到港式墨魚丸。
試咗好多隻都唔係我想要嗰種～
美國，台灣，馬來西亞 etc 全部試過都係唔似～

心淡之下諗：不如試下自己整！

但唔識整喎～

( 識整我就發咗啦)

上網搵做法都唔係有好多資料，夾夾埋埋亂咁試... 結果當然唔會有 100分！

但都有幾成似港式嗰種架喇！起碼我自己覺得似～

其實... 你地明唔明我講咩港式墨魚丸？

即係... 唔... 點講呢？台灣嗰D咪叫花枝丸嘅？個 texture 好唔同架嘛...

hm... 即係呢，我想要類似南記嗰D呀～

有冇人知點整？

我買唔到新鮮墨魚, 用 pack 好嗰D。

唔搵資料唔知，一搵就大件事！

比我發現一個驚世大秘密！

原來整魚蛋墨丸之類，好多 shops 都會落......

......肥豬肉！！！！！

唔怪得之咁香啦～

豬油梗香架！

肥屎人之嘛......

但係我想超跟喎！哈哈～

好啦，係咁易落少少咁啦...

首先將墨魚攪爛～

再攪肥豬肉。

攪完就用 KA 將兩樣野一齊起勢咁打，加少少鹽，胡椒粉同木薯粉。

木薯粉好少就可以。

我用 4 速打咗好耐，打到起晒膠咁啦就可以。

打完用手唧好一粒粒。

我上網睇有人唧完魚蛋要放入冰水，我唔知點解所以我冇放。

跟住淥熟佢地啦梗係～

配埋紫菜魚露辣椒醬！都幾正架～起碼好過買 frozen 嗰D啦溝晒粉咁。

整完有墨魚淨... 順手打多個墨魚肉餅！

淨係打D豬肉好喇。

墨魚唔駛打，mix 埋打好嘅豬肉一齊蒸就會多咗一重口感架喇～