哈哈廚房：DIY Pasta 之自製 Fettuccine / Spaghetti

自從去完意大利之後一直都好掛住嗰邊啲手工意粉。
結果敗咗個意粉機，但係一路都冇時間整。

呢排忽然身痕試咗幾次！
嘩～真係以後都唔想再食乾嗰啲Pasta 呀～～

我同老公都好鍾意食墨汁意粉 ，之前喺一間賣西班牙食品嘅 shop 買咗 1 jar squid ink。
好，一於就整墨汁意粉。

比起 fettuccine 我比較鍾意 spaghetti，整法其實都一樣 ，想要唔同嘅 pasta 就用唔同嘅 attachment.

做法好簡單 ，1 Cup 麵粉就用一隻蛋 ，我鍾意用 semolina 粉。
用機打好麵糰之後 ，就可以放入去意粉機壓平。

記得個麵團一定要夠乾身 ，如果唔係壓既時候就會痴住係部機到架喇！
有少少濕都唔可以，如果唔係，負責清理部機嗰個人（例如你老公）就會發脾氣！
...我肯定！

首先用0度壓幾次 ，最好到咁上下就 sprinkle 少少粉喺面。
壓到平滑之後就可以逐漸逐步壓薄佢 ，每個度數壓一次 ，直至壓到自己鍾意既厚度 ，跟住就可以切麵啦。

鐘意咩 pasta 就用咩 attachment 啦～
我通常都係 fettuccine 或者 spaghetti。

跟住就風乾一陣，around 30 min 都夠架喇。

我冇影風乾 fettuccine, post 張 spaghetti 先。

由於呢D係新鮮麵條 ，所以唔洗煲好耐。
水滾落麵大約兩分鐘就可以 ，隔水之後用 pan 撈下自己鐘意嘅醬汁 (已煮滾) 就食得啦。